opinion | DAVID M. RIVAS

Europa

  • Europa nun ye que namái un constructu

David M. Rivas, 14 Marzo 2017

Etiquetas : David Rivas
david rivas David M. Rivas

El medievalista Peter Field afirma que la mítica Camelot esistiera y que la corte d’Arturu, cola so mesa de caballeros, taba nel fuerte romanu de Camulodunum, nel norte d’Inglaterra, en Slack, nel Yorkshire. Llega a la conclusión pol estudiu filolóxicu: Camulodunum significa fuerte del dios Camul y d’ehí vendría Camelot. N’Inglaterra hai dos llugares con esi nome pero l’otru ta nel estremu suroés polo que ye imposible qu’un rei guerreru en llucha colos anglosaxones toviere ellí la corte. Pero Slack ta na estrada que los romanos fixeran pa unir les sos dos grandes guarniciones del norte. Cuando los romanos marcharon dexaron los fuertes y les calzaes, qu’inclusive foran claves pa Guillermo y los sos normandos cuando invadieron la islla. De toles formes, la mayoría de los espertos siguin pensando que la historia d’Arturu ye una llienda, a lo qu’hai d’ameter que, de ser verdá, tamos falando de la dómina con menos documentos de la historia. Pero, ¿a que daríamos dalgo porque la saga artúrica fuera verdá? Porque pa los europeos d’anguaño entá’l mitu griálicu ye referente. Nel grial (el sangre real, el úteru de Malena pa munchos) y na mesa reonda alcuéntrase la idega de la perfección. Nesti mes de marzu nel que la Unión Europea cumple sesenta años, en díes confusos y prietos, llevantar los estandartes de Camelot ye cosa sana. Europa nun ye que namái un constructu. Europa ye una utopía lluminosa. Ya esa Europa griálica tien tres o cuatru madres que la parieran n’alta edá media. Una madre ye Asturies.

Comentarios

No hay comentarios

Para poder dejar sus comentarios debe estar logueado en la web. Registrarse

Noticias relacionadas

Polos que vienen mañana, seyamos sensatos

Un culín