Agora un basureru de bateríes

Ye más que probable que pongan un parque de bateríes, esto ye, en román paladín, un basureru d’alta contaminación en Villaviciosa, llevando toles papeletes les parroquies de Pión y Castiellu. Vamos ver. El gobiernu d’Asturies tien como principiu, o eso diz el gabinete de Barbón, qu’eses instalaciones, altamente contaminantes, vaigan a suelos yá degradaos, como son los mineros y los industriales ensín usu, les canteres y graveres abandonaes y otros espacios asemeyaos. Si esi ye’l criteriu, ¿cómo podemos tar falando de poner un parque nuna zona rural onde vive la xente, hai ganadería, un rigu y cien regatos a los que dirán a parar los contaminantes?

Tamién paez ser que les autoridaes de esta “bella y verde provincia del norte del reino”, porque nun pasamos de “provincia”, que, por cierto, la so etimoloxía vien de que “fue vencida”, dicen qu’un depósitu, un basureru, nun puede tar a menos de mil metros de los ñuclos rurales y quinientos de les ganaderíes. ¿Qué ye un “ñuclu rural” o una “ganadería”? Nes parroquies del rigu España tóo ta a menos de mil metros de dalguna casería y la ganadería, estensiva, ta pel tol tarrentoriu.

N’Estremaúra, concretamente en Navalmoral de la Mata, van instalar una fábrica de bateríes con una inversión de mil miyones d’euros y que va procurar unos tres mil empleos direutos. ¡Rediola!, pues que pongan tamién el basureru.

Nestes parroquies rurales la xente paga un IRPF o un impuestu de sociedaes colos mesmos tipos que paga un carbayón de la cai Uría o un avilesín de Sabugo, pero nun tien augua municipal, nin tresporte públicu, nin cobertura completa de telefonía y televisión, y, amás, soporten normes absurdes como nun poder llevar una motosierra nel coche o tratar a los mastinos como si fueren perros falderos. ¿Nun sería razonable que les basures les xestionen aquellos que les producen?

N’Estremaúra, concretamente en Navalmoral de la Mata, van instalar una fábrica de bateríes con una inversión de mil miyones d’euros y que va procurar unos tres mil empleos direutos. ¡Rediola!, pues que pongan tamién el basureru. Non, el basureru tará n’Asturies y, amás, nuna zona rural. Naide quier tener mierda al delláu de casa, pero paez llóxico que la soporte quien se beneficia de producila. ¿O non?

Paez ser que l’alcalde de Villaviciosa ta dimpuestu a dir aú seya mester pa aparar esta xabazada. En principiu, creyo na so pallabra. Coincide comigo,

Asturies ye una colonia d’España. Nun ye una “boutade”, non, ye una descripción. Especializose en carbón, augua, emigración, y agora paisax y mediu natural, produición primaria a baxu coste, que ye como se define una economía colonial. Hai unos menses, cuando ficieron a estes parroquies “Pueblu Exemplar” y los vecinos ficieran, non tóos, el rendivú a los borbones, un conceyal socialista dixo nun debate que lo importante nun yera’l día que veníen los “señores”, sinón lo qu’entamaba al día siguiente. Y yá lo vemos: un basureru de bateríes. ¿Podrá devolvese el gallardón de “Pueblu Exemplar” pa que lu metan onde quepa nel armariu de La Zarzuela o de la Fundación Princesa?

Paez ser que l’alcalde de Villaviciosa ta dimpuestu a dir aú seya mester pa aparar esta xabazada. En principiu, creyo na so pallabra. Coincide comigo, con tolos vecinos y colos espertos en que ye insostenible ambientalmente, yo añado que culturalmente, poner esi parque de bateríes nuna zona rural, especialmente nuna valle fluvial como ye Pion, nel cauce mediu del rigu España.

¿Por qué pretenden facer eso nuna collación rural? ¿Porque los vecinos son más fatos? Paguen los mesmos impuestos que los de les ciudaes y villes y nun tienen servicios. Tampoco los piden, que son bonos p’arreglase ensín los dirixentes políticos. Piden poco pero tan entamando a fartucase. ¿Ye esta la forma na qu’el gobiernu asturianu, paezme que socialista, o eso dicen, quier potenciar y facer revivir les collaciones? ¿Contaminando les tierres y les augües?

Toi seguru que van poner esi basureru, nun sé si en Pión, en Castiellu, en Quintueles o n’Arroes, Y toilo porque nun tenemos un gobiernu que mire pol país, sinón una “delegación provincial” qu’obedez ordes, que ta a lo que mande’l gobiernu de Madrid, los empresarios y los grupos de presión.